Саудия Арабистони U20 устози: "Олдинда бизни қийин учрашув кутиб турибди"

- Ўйинга баҳо бериб ўтсангиз, бугунги учрашув жамоангиз учун катта аҳамиятга эга эди.

- Биз яхши ўйин ўтказидк, лекин натижа биз кутгандек бўлмади. Хитой терма жамоаси иккала голни ҳам қарши ҳужумда урди. Биз кейинги учрашувга тайёргарлик кўришни бошлаймиз.

- Хитой терма жамоасининг ўйинига баҳо бериб ўтсангиз?

- Хитой терма жамоаси бизга катта муаммо тўғдирди, биз хужум қилаётганда улар зич ҳимояланишди ва шу сабаб кўпроқ ҳаводаги паслар орқали ўйнадик ва албатта бу хавфли вазиятлар сонини камайтириб юборди.

- Япония билан бўладиган сўнги ўйинга қандай тайёргарлик кўрмоқчисизлар? Бугун очко йўқотдингизлар ва бугунги учрашув японларга қарши кечадиган учрашув тақдирларингизни ҳал қилади.

- Тикланишни бошлаймиз, футболчилар бугунги ўйинни унутишини керак. Кейинги учрашув жуда муҳим ва гурҳудан чиқишимиз керак. Шу сабаб кейинги учрашувда 100 фоизлик эътибор билан ўйнашимиз керак.

- Ўйинчиларингиз хужумга ўтаётган вақти, бўш зоналар қолдириб кетишди. Ушбу ҳолатга бўлган муносабатингиз?

- Жамоамизда жароҳат олган футболчилар бор, шу сабаб кўпчилик бўлиб хужумга ўтишга мажбур бўлдик. Хужумга урғу бераётган вақтимиз, ҳимоя кучсизланиши аниқ эди. Кейинги учрашувда ушбу ҳатоларни тўғирлашга ҳарақат қиламиз. Олдинда бизни қийин учрашув кутиб турибди, Японларга қарши учрашувда майдон ўртасида кескин кураш бўлади.