Никимбаев: "Саудия Арабистони U19 - Ўзбекистон U19 учрашувида муштлашув содир бўлган"
28 ноя 2019 15:14
Новости

Никимбаев: "Саудия Арабистони U19 - Ўзбекистон U19 учрашувида муштлашув содир бўлган"

Теги : Ўзбекистон ёшлар терма жамоаси Алишер Никимбаев

Таниқли футбол мутахассиси Алишер Никимбаев ўз Телеграм каналида ёзишича, Ўзбекистон ёшлар терма жамоаси футболчилари Осиё чемпионати саралаш ўйинида рақиблари билан жанжал уюштирган.

"Саудия Арабистонидаги ҳамкасбларимнинг айтишича, ёшлар ўртасидаги Осиё чемпионати саралаши ўйинидан сўнг уларнинг ва бизнинг терма жамоа вакиллари майдонда муштлашиб кетишган. Менда ўша воқеа якуни акс этган видео бор. Аммо ОФК интизом қўмитаси ўз қарорини маълум бўлмагунча видеони эълон қилмайман. Бу қарор келаси йил октябрь ойида Осиё чемпионатига мезбонлик қиладиган терма жамоа учун ёқимсиз бўлиши кутиляпти. Муштлашув ҳақидаги янгилик бу терма жамоа раҳбариятидаги кутилмаган ўзгаришларга тушунтириш бўлиши мумкин" - деб ёзда Никимбаев.

Championat.asia сайти бу вазият бўйича ЎФАга мурожаат қилди. Яқин вақт ичида ЎФА ушбу вазиятга ойдинлик киритади.

Ссылка :

Источник : t.me/ANikimbaev

Получайте новости прямо в Telegram!

Рейтинг: +20