Саудия Арабистони U-23 бош мураббийи: "Ўзбекистон ҳам, Япония ҳам яхши шаклланган жамоа саналади"
15 июн 2022 21:28
Новости

Саудия Арабистони U-23 бош мураббийи: "Ўзбекистон ҳам, Япония ҳам яхши шаклланган жамоа саналади"

U-23 Осиё Кубоги ярим финали доирасида Австралия U-23 га қарши учрашувдан сўнг саудияликлар бош мураббийи Садд Ал Шеҳри ва Ҳамид Абдулло матбуот анжуманида иштирок этди.

- Садд Ал Шеҳри, ўйин ҳақида фикрингиз қандай?

- Ғалабадан маманунман. Бугун намойиш этган футболимиздан хурсандман. Энди ҳал қилувчи баҳс ҳақида бош қотирамиз.

- Финалда рақиб сифатида қайси жамоани кўришни истайсиз: Ўзбекистон ёки Япония?

- Иккала жамоа ҳам яхши шаклланган. Ўзбекистон тўпни назорат қилишни яхши кўради, Япония эса жуда тезкор ўйин намойиш этади. Исталган жамоага қарши финалда қийин баҳс бўлади.

- Бугун икки футболчингиз жароҳат олди. Уларнинг аҳволи қандай?

- Ҳозирча аниқ маълумот йўқ. Умид қиламанки улар финалга тайёр бўлишади.

- Жамоаингиз мусобақа давомида ҳозирча биронта гол ўтказмади. Бунинг сири нимада?

Садд Ал Шеҳри: Футболчиларим ҳимояда катта меҳнат қилишмоқда. Аммо барчаси Аллоҳдан. Бизнинг ҳаракатларимиз муносиб тақдирланмоқда.

Ҳамид Абдулло: Оғир ўйин бўлди. Шукрки, гол уриб, якунда ғалаба қозондик. Барча жамоадошларимни ва бизни қўллаб турган мухлисларга раҳмат айтмоқчиман.

Ссылка :

Источник : championat.asia

Получайте новости прямо в Telegram!

Рейтинг: +3