Санжар Шоаҳмедов: “Қатар чемпионатини 4та жамоа тарк этади”

Ушбу учрашувда “Ал Сайлия” таркибида ҳаракат қилаётган вакилларимиз Темурхўжа Абдухолиқов ва Санжар Шоаҳмедов фаол иштирок этишди ва жамоанинг ғалабасига ўз хиссасини қўшишди.

“Қатар чемпионати айни қизғин паллага келган. Кейинги турда “Лаҳвия” жамоасига қарши майдонга тушамиз. Қатар чемпионатида сўнгги 4 ўринни эгаллаган жамоалар лигани тарк этади. Мана шу нарса ҳам бизга хавф солаяпти, энди бу футбол. Қўлимиздан келганча ҳаракат қиламиз лигада қолишга. Ҳозир олдимизда 5та учрашув турибди. Барчаси мана шу 5та ўйиндан сўнг ҳал бўлади.

Кечаги “Ал Аҳли” устидан қозонилган ғалабадан сўнг очколаримиз сонини 23тага етказиб олдик. Ҳали ҳаммаси олдинда, деб ўйлайман. Бизда ҳеч қандай муаммо йўқ, барча шарт-шароитлар яхши. Жамоадошларим билан чиқишиб кетдим. Барчаси аъло даражада. “Ал Аҳли”га қарши учрашувнинг сўнгги дақиқасида руминиялик жамоадошим Лазарга тўп узатдим, у еса рақиб дарвозасини ишғол қилди. Энг кераклиги ғалабани қўлга киритдик”, - дейди “Ал Сайлия” клуби футболчиси Санжар Шоаҳмедов.


Жаҳонгир Сотволдиев