Санжар Қувватов: "Ўтказиб юборилган голда барча масъулиятни ўз бўйнимга оламан"

"Тўғриси айтсам, бошқа футболчиларга қараганда ўйинни жуда катта ҳаяжон билан бошладим. Бу мен учун Қаршидаги дастлабки учрашув бўлгани боис ҳаяжон кучли бўлди. Ўзбекистон Суперкубогида "Пахтакор" билан бўлган ўйинда ҳам ўзимни енгилроқ ҳис қилгандим. Аммо бугун ҳаяжон кучли бўлди. Бугун хатога йўл қўйдим. Жамоадошларимга раҳмат улар яхши ҳаракат қилишди ва ғалабани тақдим этишди. Кейинги учрашувларда бу каби хатоларга йўл қўймасликка ҳаракат қиламан.

Ўтказиб юборилган голда ҳимоячиларни эмас, мени хатоим бўлди. Шерзод Аъзамов тўғри ўйнади.Бу кутилмаганда руй берди. Бу вазиятда масъулиятни ўз бўйнимга оламан. Ростини айтсам, нима бўлганини тушунмай қолдим. Биринчи бўлимда жамоамиз яхши ўйнолмагани сабаб ОЧЛдаги ўйин. Чунки "Ал Аҳли"га қарши беллашувда футболчилар жуда кўп куч сарф этишганди. Лекин танаффусда мураббийлар тегишли кўрсатмаларни беришди ва иккинчи бўлимда вазиятни ўнгладик. Танаффусдан сўнг жамоа сифатида бир жойга йиғила олдик ва иродали ғалабага эришдик. Агарда яратилган кўплаб вазиятларни голга айлантира олганимизда, ҳисоб янада катта бўлиши мумкин эди. Учрашув тугаганидан мураббийларимиз футболчиларга фақатгина раҳмат айтишди. Шу ўринда уларга ҳам ўз миннатдорчилигимизни билдирамиз. Улар доимо бизларни қўллаб келишади ва керакли пайтда далда бўлишади.

Таранда бўлган вазиятда мураббийларимиз ўқтирган риояга амал қилдим ва ҳужумчи тўпни ўзидан бирозгина узоқлаштириши билан тўпга ташландим. Бу орада эса зарбани тўсишга эришдим. Бу ҳаммаси мураббийларнинг кўрсатмалари самараси. Денис Иванков билан один ҳам "Машъал"да бирга ишлаганмиз ва бир-биримизни яхши биламиз. Денис Иванков жуда ва жуда бой тажрибага эга мутахассис. "Машъал"даги Павел Синельников ҳам яхши ва кучли мураббий. Лекин Иванковда жуда катта тажриба бор ва бу томондан ҳозирги мураббийим устунроқ. Денис Иванков билан бирга ишлаётганимдан жуда хурсандман", - дейди Санжар Қувватов.