Самвел Бабаян: "Йигитлар юракдан ўйнашди..."
06 сен 2016 23:48
Новости

Самвел Бабаян: "Йигитлар юракдан ўйнашди..."

Қатар - Ўзбекистон учрашувидан кейин ташкил этилган матбуот анжуманида меҳмонлар устози Самвел Бабаян қатнашди.

"Мамлакатимиз оғир жудоликка учраганидан хабарингиз бор. Бугун биз бошқача ўйнай олмасдик ҳам, йигитлар юракдан ўйнашди. Ғалаба билан барчани табриклайман. Олдинга интилишда давом этамиз, - дейди Бабаян.

- Иккала жамоа ҳам жуда эҳтиёткор ўйнашди. Сўнгги дақиқаларда ўз шогирдларингиздан гол кутганмидингиз?
- Биз қийин ўйин бўлишини кутгандик. Қатар ҳам яхши ҳимояланди, учрашув охирида ўйинни кучайтирганимизга келсак захирадан тушганлар бунга тайёр эдилар. Мақсадимиз ғалаба қозониш ва олдинга интилиш эди. Бунга эришдик.

- Бугунги натижа гуруҳда биринчи ўринга чиқишга ёрдам берадими?
- Биз ҳозирнинг ўзида биринчи ўринга чиқдик. Энди бор эътиборимизни кейинги баҳсга қаратилади. Ҳар бир учрашувга алоҳида тайёргарлик кўриш ва унда ғалаба қозониш учун майдонга тушамиз.

- Баҳс охирида ўйинни кучайтириш ва гол уриш асосий режангиз эдими? Иккинчи бўлимда Ўзбекистон яхшироқ ўйнади.
- Албатта, режамиз шундай эди. Иккинчи бўлимда ўйинимизни кучайтирдик. Биз Қатарга ғалаба учун келгандик. 90 дақиқа давомида ҳаракат қилдик ва 3 очкога эга бўлдик.

ЎФФ матбуот хизмати

Ссылка :

Источник : championat.asia

Получайте новости прямо в Telegram!

Рейтинг: +102