Самвел Бабаян: "Вазиятларнинг 20 фоизидан фойдаланганимизда ҳисоб умуман бошқача бўларди"
06 июн 2014 21:49
Новости

Самвел Бабаян: "Вазиятларнинг 20 фоизидан фойдаланганимизда ҳисоб умуман бошқача бўларди"

"Пахтакор" - "Металлург" (2:1) учрашувидан сўнг ташкил этилган матбуот анжуманининг иккинчи қисмида мезбонлар бош мураббийи Самвел Бабаян иштирок этди.

"Агар имкониятларнинг 20 фоизидан фойдалана олганимизда кайфиятим яхшироқ бўларди. Бугун жуда кўплаб вазиятлардан фойдалана олмадик. Бироқ ўйин сўнггида жарима тўпидан сўнг қўпол хатога йўл қўйиб гол ўтказиб юбордик. Ушбу вазиятда битта одамни айбдор қилишни истамайман. Бугун ғалаба қозондик, олдинга интилишда давом этамиз", - деб гап бошлади Бабаян.

"Солиевнинг тушиши ҳужумни кучайишига олиб келмади. Лекин агар тўп ўтказиб юбормаганимизда бу алмаштириш ҳақида гап бормасди".

"Тўғри Сергеев вазиятлардан фойдаланишда совуққон бўла олмаяпти. Бироқ барибир уни майдонга туширавераман. У ҳали ёш, Игорь нафақат "Пахтакор"нинг балки бутун Ўзбекистоннинг келажаги ҳисобланади".

"Миладиновичнинг алмаштирилишига келсак биринчидан у сариқ карточка олди. Бундан ташқари рақиб ҳужумчиларининг тезлиги яхши эканлигини билардим, шу боис Бояннинг ўрнига Ҳошимовни туширдим".

"Захирамизда Темур Ҳакимов, Аббос Махсталиев, Жалолиддин Машарипов ва Жамшид Болтабоев каби футболчилар бор. Улар исталган пайтда майдонга тушиб ўйинни кучайтира олишади", - дейди Самвел Бабаян.

Ссылка :

Источник : championat.asia

Получайте новости прямо в Telegram!

Рейтинг: