Самвел Бабаян олимпия терма жамоасининг янги бош мураббийи

Ўзбекистон олимпия терма жамоасининг Қатарда бўлиб ўтадиган 23 ёшгача бўлган футболчилар ўртасидаги Осиё чемпионатида юқори савияда иштирок этишини таъминлаш, 2016 йилги Олимпия ўйинларининг футбол мусобақасига йўлланмани қўлга киритиш йўлидаги тайёргарликларни янада кучайтириш мақсадида Ўзбекистон Футбол Федерацияси Президенти қарорига асосан олимпия терма жамоасининг янги мураббийлар штаби тасдиқланди.

Штаб қуйидагича кўриниш олди:

Бош мураббий: Самвел Бабаян

Катта мураббий: Виктор Жалилов

Мураббий: Равшан Ҳайдаров

Жисмоний тайёргарлик бўйича мураббий: Андрей Шипилов

Дарвозабонлар мураббийи: Анвар Рашидов

Илмий услубий гуруҳ: Грегорий Колосовский, Фарҳод Абдуқодиров

Шифокор: Умид Баҳромов

Маъмур: Виталий Жалилов

Шу билан бирга янги бош мураббий раҳбарлигидаги Ўзбекистон олимпия терма жамоасининг декабрь ва январь ойидаги иш режаси тасдиқланди.

Эслатиб ўтамиз, Ўзбекистон олимпия терма жамоасининг олдига Бразилияда бўлиб ўтадиган Олимпия мусобақаларига йўлланмани қўлга киритиш вазифаси қўйилган.