Самвел Бабаян: "Эртага қора анъанани бузишга ҳаракат қиламиз"
07 окт 2015 20:40
Новости

Самвел Бабаян: "Эртага қора анъанани бузишга ҳаракат қиламиз"

Жаҳон чемпионати-2018 иккинчи саралаш босқичи 5-тур ўйинлари доирасидаги Баҳрайн – Ўзбекистон учрашуви олдидан матбуот анжумани ташкил этилди.

"Бу мени Баҳрайнга биринчи ташрифим эмас. Бу ерда клуб билан ҳам, терма жамоа билан ҳам келганман. Ҳар келганимда шаҳардаги ўзгаришларга кўзим тушади. Манама йилдан-йилга гўзаллашиб, чирой очиб бормоқда. Эртага бизни жуда кучли рақибга қарши ўйин кутиб турибди. Баҳрайн юқори даражадаги жамоа саналади. Баҳрайнни жуда малакали, кучли мутахассис бошқариб бормоқда. Бизнинг вазифа эса учрашувдан-учрашувга ўз ўйинимизни кучайтириб бориш. Бу менинг терма жамоадаги учинчи ўйиним бўлади. Биз эртага ўзимиз учун керакли натижани қўлга киритишга ҳаракат қиламиз. Гуруҳдаги вазият шуни тақозо этмоқдаки, буёғига хато қилишга ҳаққимиз йўқ", - деди Самвел Бабаян.

- Ўзбекистон терма жамоаси расмий ўйинларда ҳали Баҳрайнни бирор марта мағлуб этолгани йўқ. Эртага ҳам тарих давом этадими?

- Ҳар бир серия эртами-кечми тугайди. Умид қиламизки, эртага биз ушбу қора анъанани бузамиз.

Ссылка :

Источник : ЎФФ матбуот хизмати

Получайте новости прямо в Telegram!

Рейтинг: +17