Саморано: "Хименес Бенземадан кучлироқ"

"Рауль охирги 3 йилда яхшигина ўсишга эришди ва Европанинг исталган клубида ўйнашга тайёр, етук футболчига айланди. Энди у ҳар қандай жамоанинг бошланғич таркибига кира олиш мумкин. Агар "Реал" у билан ҳамкорлик қилишни истаса, бундай имкониятни қўлдан чиқармаслик керак. Ўйлайманки, Рауль дунёнинг энг кучли клубларидан бирини рад қилолмайди. У ЕЧЛда ўйнаши ва кўплаб голлар уриши мумкин. Мен Карим Бенземани ажойиб ҳужумчи сифатида биламан. Аммо Рауль ундан ёмон эмас, ҳатто кучлироқ ҳам", — деди Саморано AS нашрига.

Маълумот учун, 28 ёшли мексикалик форварднинг "Вулверхэмптон" билан амалдаги шартномаси 2023 йилнинг ёзига қадар амал қилади. "Transfermarkt" портали футболчини 50 млн еврога баҳолаган.

Жорий мавсум 44 учрашувда майдонга тушган Хименес ўз ҳисобига 22 гол, 10 та самарали узатма ёздириб қўйган.