Саидов ва Ёқубов «Навбаҳор»да қолади

Мароқли тарзда дам олиш мақсадида мураббий ва футболчилар бугун Чимён дам олиш масканида бўлишди. Эртадан эса машғулотлар давом этади.

Кеча таркиб иккига бўлинган ҳолда учрашув ташкил қилинди. Мазкур ўйинда «сариқлар» Собир Ҳамидовнинг голи эвазига ғалаба қозонди. Афсуски, таркиблар бизга маълум эмас.

Бугун Иқбол Акрамовнинг келиши ҳақида гап-сўзлар бўлди. Бироқ, бу каби маълумотлар инкор этилди. «Навбаҳор» бу футболчига қизиқмаган экан. Шунингдек, мухлисларимизни Мансур Саидов ва Бахтиёр Ёқубовларнинг тақдири қизиқтираётгани бор гап. Кўнгилни тўқ қилсак бўлади, бу икковлон жамоада қолишади.

Дарвоқе, яна бир гап. Айни пайтда «Нефтчи»да шуғулланаётган ҳужумчи Шерзод Ҳакимов барибир «Навбаҳор»га ўтади, шекилли. Яқин кунларда Ҳакимов йиғинга қўшилиши кутилмоқда.

Чирчиқ йиғинидан сайтимиз учун янгиликларни етказиб бераётган жамоамизнинг етакчи мухлисларидан саналган Набихон ака Абдуғаниевга миннатдорчилик билдирамиз.


Улуғбек АБДУЛЛАЕВ
lochinlar.asia