Рустам Умаров: “Бизга юклатилган вазифани аъло даражада уддаладик деб ўйлайман”

Ушбу учрашув якунланганидан сўнг биз Ўзбекистон терма жамоаси дарвозабонидан интервью олдик.

- Ғалаба билан табриклайман. Бугунги ўйин ҳақида қандай фикр билдирасиз?
- Авваламбор барча ўзбек футболи мухлисларини ғалаба билан табриклайман. Ўйин ҳақида гапирадиган бўлсам жуда оғир ўтди. Қирғизистон терма жамоаси учун ғалаба сув ва ҳаводак зарур эди. Албатта биз учун ҳам. Биринчи бўлимнинг сўнгги дақиқаларида гол уриб олганимиз жуда яхши бўлди. Биз кўпроқ уларни прессингда ушлашга ҳаракат қилдик. Лекин улар бизнинг прессингимиздан чиқишга ҳаракат қилишди. Қайсидир манода улар буни уддалашди.

- Ўтказиб юборилган голга муносабатингиз?
- Очиғини айтадиган бўлсам ушбу голда барчанинг айби бор. Мураббийларимиз марказни ёпинглар деб айтишади. Афсуски шу ерда қўпол хатога йўл қўйдик. Кейинги босқичга чиққанимиздан хурсандмиз

- Кейинги ўйин ҳақида қандай фикр билдирасиз?
- Кейинги ўйинни Ливан терма жамоасига қарши ўтказамиз. Ушбу ўйин биз учун ҳеч нимани ҳал қилмайди. Биз ўзимизга юклатилган вазифани аъло даражада уддаладик деб ўйлайман. 
 

Жаҳонгир Сотволдиев суҳбатлашди.