Рустам Мирсодиқов: "Туркияда кўпроқ назорат ўйинларига эътибор қаратамиз"

Жамоа ҳозирда Чирчиқда машғулот ўтказиш билан бир қаторда синов-назорат ўйинларини ҳам ташкил этмоқда. Металлургнинг тайёргарлик йиғини режасидан хорижга чиқиш ҳам ўрин олган. Бу ҳақда бош мураббий Рустам Мирсодиқов "СА"га берган интервьюсида айтиб ўтди.

- Айни пайтда йиғинни Чирчиқда олиб бормоқдамиз. Очиғи, об-ҳавонинг кутилмаганда совуб кетиши натижасида режамизга ўзгартириш қиритилишига сабаб бўлди. Қалин қор ёққан пайтларда ёпиқ манежларда шуғулландик. Умуман олганда йиғиндан кўнглим тўлмоқда.

- Ўзингизга яхши маълумки, жамоамиз таркибида айтарли жиддий ўзгаришлар қилинмайди. Бу йил ҳам шундай. Тўғри, айрим ёш футболчилар машғулотларимизга келиб, кўрикдан ўтишмоқда. Лекин уларнинг бирортаси билан ҳали шартнома имзоланмаган.

- Режага кўра 15 февраль куни Туркияга жўнаб кетамиз. У ердаги йиғинимиз ҳал қилувчи босқчи саналади. Кўпроқ ўйин амалиётига эга бўлиш учун, синов-назорат баҳсларини ўтказишни ўйлаб турибмиз. Рақиб жамоаларнинг номи, ўша ерга борганимизда аниқ бўлади. Анталиядан 2 март куни қайтиб келамиз ва шундан сўнг ўз қароргоҳимизда чемпионатга тайёргарликни давом эттирамиз.

Исломбек РУСТАМБЕКОВ суҳбатлашди.