Рустам Мирсодиқов: "Сотилган ўйинда битта тўп фарқи бўлади"
28 авг 2014 11:30
Новости

Рустам Мирсодиқов: "Сотилган ўйинда битта тўп фарқи бўлади"

Кеча бўлиб ўтган "Навбаҳор" - "Металлург" учрашувидан сўнг ташкил этилган матбуот анжуманида меҳмонлар бош мураббийи Рустам Мирсодиқов қатнашиб йиғилганлар саволларига жавоб берди.

- Чет эл ОАВда ўтган турдаги "Бухоро"га қарши ўйин келишилган деб ёзилди. Бунга мутахассис сифатида қандай муносабат билдирасиз?
- Бугунги ўйинда "Навбаҳор" ҳисоб 4:1 бўлганидан сўнг ўйинни ташлаб юборди ва биз гол урдик тўғрими? Ўтган турда биз олдинда эдик ва йигитлар ўйинни ташлаб қўйишганди. Бор гап шу. Сотилган ўйин масалан, битта тўп фарқи билан сотилади, масалан деяпман. Ўша ўйинда биз 3:1 ҳисобида олдинда эдик. Агар ҳакам 10 дақиқа қўшиб берганида ҳисоб 4:3 эмас 4:4 бўлармиди? Буни ким билади? Сотилган ёки келишилган ўйинлар ҳақидаги миш-мишларга ишонманглар.

- Шогирдларингиз бир қатор имкониятлардан фойдалана олишмади. Бунга нима сабаб бўлди?
- Бу футбол. Унда барча вазиятларни голга айлантириб бўлмайди. Шаҳзодбек Нурматов бир ўзи бугун ўйин тақдирини ҳал қилиб қўйиши мумкин эди. Нурматов терма жамоа аъзоси, мен унга клубда ура олмаган голларни терма сафида уришини тилайман.

Ссылка :

Источник : championat.asia

Получайте новости прямо в Telegram!

Рейтинг: