Рустам Мирсодиқов: "Мухлисларнинг қандайдир хуштаги туфайли ҳисоб тенглашди"

- Доимо журналистлар бир хил савол беришади. Яъни, ўйин ҳақидаги фикрларим билан қизиқишади. Учрашув энди якунланган бўлса, қандай қилиб ўз хулосамни дархол беришим мумкин? Сизлар ҳам изланиб, бошқача саволларни беринглар. Агар сизлар ўйинни кўрмаган бўлсангиз, бу ҳақда гапириб беришим мумкин. Гувоҳи бўлганингиздек, агарда ўйин давомида юзага келтирган имкониятларимизни барчасидан фойдаланганимизда, якуний натижа бошқача бўлиши мумкин эди. Футболда яхши ибора бор: сен урмасанг, сенга уришади.

Эртага видеоалавхани кўриб, ким қандай хато қилгани ва ҳаракат қилгани бўйича ҳулоса чиқаришим мумкин. Дарвозамизга киритлган дастлабки голда мухлисларнинг қандайдир хуштаги туфайли ҳисоб тенглашди. Агарда бундай чалғитиш бўлмаганида, дарвозабонимиз тўпни ерга туширмаган бўларди ва натижа умуман бошқача кўриниш хосил қиларди. Хакамларга ҳеч қандай эътирозим йўқ. Фақатгина ўша вазият сабабли дарвозамизга биринчи тўп киритилди. Ахир бу инсофсизлик-ку. Журналистлар шунга ўхшаган холатларни ёзинглар.