Рустам Мирсодиқов: "Футболда ғалаба қозониш учун гол уриш керак"

- Шаҳримизнинг 70 йиллиги нишонланиши арафасида турибмиз. Бугун шаҳар аҳолиси учун байрам совғаси тайёрлайсизлар деб умид қилгандик.
- “Пахтакор”дан фарқли равишда биз гол урмадик. Ура олмадик. Бизга юқори классдаги футболчи этишмаяпти. У ҳам бўлса ҳужумчи. “Пахтакор”даги футболчилар эса савия ҳиҳатдан устунлиги эвазига уриб кетди. “Динамо” билан ўйинни олайлик. Иккинчи бўлимда тўлиқ устунлик биз томонда бўлди. Афсуски ғалаба рақибларимизга насиб этяпти.

- Жамоа иккинчи бўлимда оқсаб қолгандек бўлди...
- Ҳа шундай. Балки соат 18:00да ўйинни бошлаганимизда яхшироқ ўйнаган бўлармидик. Биз ҳам истаймиз кечқурун ўйнашни. Аммо прожекторда муаммо бор.

- Мирабдуллаевнинг ҳолати қандай?
- Уни тезроқ сафга қайтишини истаймиз. Лекин ҳозирча тайёр эмас.

- Бугун Зафар Сафоевни майдонга тушурдингиз. Унинг ўйини мухлисларга маъқул келди.
- Султонов ҳам ёмон дарвозабон эмас. Аммо “Динамо” билан ўйинда битта зарбадан битта гол ўтказдик. Бугун 2та гол ўтказдик аммо унинг айби бор деб ўйламайман. Ёш деб захирада олиб ўтиравериш ҳам бўлмайди. Агар руҳан ўсишга эришса унга ишонишда давом этамиз.

- “Динамо” билан ўйиндан кейин руҳий тушкунлик борми?
- Йўқ. Шунчаки биз гол ура олмаяпмиз. Ҳар бир ўйинда 5тадан кам имконият бўлмаяпти. “Бунёдкор” билан ўйинда ҳам шундай бўлди. Улар эса уришяпти. Футболда ғалаба қозониш учун гол уриш керак.