Рустам Ашурматов: "Ўзимизга ўзимиз ютқазмасак, бу гуруҳда ҳеч ким бизни мағлуб эта олмайди"
11 сен 2024 00:05
Новости

Рустам Ашурматов: "Ўзимизга ўзимиз ютқазмасак, бу гуруҳда ҳеч ким бизни мағлуб эта олмайди"

Ўзбекистон терма жамоаси ҳимоячиси Рустам Ашурматов Қирғиз Республикаси - Ўзбекистон (2:3) учрашувидан сўнг ўйин ҳақидаги фикрлари билан бўлишди.

"Футболда кўп нарса ҳиссиётларга боғлиқ, балки ғалаба қозонишни жуда ҳам истаб юбораётгандаймиз. Умумий олиб қарасак, КХДРга қарши кечган ўйинга қараганда бугун яхшироқ ўйнадик. Бугун рақиблар бор-йўғи иккита вазиятга эга бўлишди, аммо шу вазиятлардан гол ура олишди. Қирғизистон бундан ортиқ вазиятларга эга бўлмади. Муҳими уч очкони қўлга киритдик. Майдон майсаси идеал эмасди, аммо майдон ҳолати ёмон эди деб ҳам айта олмайман. Ўзимизга ўзимиз ютқазмасак, бу гуруҳда ҳеч ким бизни мағлуб эта олмайди. Кожо тезкор футболчи эканлигини билардик ва шу сабабли уни икки киши бўлиб қўриқладик. Кейинги учрашувда янада кучлироқ жамоа бўла олишимизга ишонаман. Ўйиндан ўйинга кучайиб боришга мажбурмиз" - деди Рустам Ашурматов бугунги учрашув ҳақида