Рустам Ашурматов: "Бундай ўйинларда ҳавонинг аҳамияти йўқ"
09 фев 2016 21:32
Новости

Рустам Ашурматов: "Бундай ўйинларда ҳавонинг аҳамияти йўқ"

"Бунёдкор" ҳимоячиси Рустам Ашурматов "Ал Шабаб"га қарши ўйиндан сўнг микст-зонада ўз фикрларини билдириб ўтди.

"Ўйинга қаттиқ тайёргарлик кўргандик. Ҳайрият, ўйлаган режаларимиз иш берди ва ғалаба қозона олдик. Насиб бўлса гуруҳ босқичида ҳам чиройли ўйинлар кўрсатиб, мухлисларимизни хурсанд қилмоқчимиз. Бизни қўллаб-қувватлаб турган барчага раҳмат.

Ҳавонинг совиб кетиши ўйинга таъсир қилдими? Шундай ўйинлар бўладики, уларда ҳавонинг аҳамияти йўқ. Асосийси, майдон қайнаб турган бўлади. Шу сабабли, совуқ ҳаво ўйинимизга таъсир қилмади деб ҳисоблайман", - дейди Ашурматов.