Рустам Акрамов: “Андижон”нинг ўйини биринчи лигага мос”

Рустам Акрамович ўз интервьюсида жамоа намойиш этаётган футбол олий лигага мос эмаслигини таъкидлаб ўтди:
 
“Ўз вақтида Ислом Аҳмедов “Ўз-Донг Жу”ни олий лигага олиб чиққанди. Ўшанда Аҳмедовга 4-5 нафар яхши футболчиларни таклиф қилмасанг ишинг чатоқ бўлади дегандим. Лекин охирида нима бўлди? Азамат Абдураимов - яхши мутахассис. Лекин у ҳам жамоани олий лигага олиб чиққач, биринчи лигага тушиб кетмасак бўлди қабилида иш юритди. Бу эса энг катта хато бўлди”.

“Стадионга кўплаб мухлислар келаётган бўлса-да, “Андижон” ҳамон биринчи лига даражасида ўйнаяпти. Жамоа олий лигада муносиб ўринлардан бирини эгалламоқчи бўлса, бир нечта маҳоратли футболчиларга эга бўлиши лозим. Аммо бу катта маблағни талаб қилади. “Андижон” бу йил олий лигадан тушиб кетадими-йўқми, буни билмайман, чунки олдинда ҳали саккизта тур бор”.