Рустам Абдуллаев "Қўқон-1912"нинг янги бош мураббийи!

Қўқон футболи тарбияланувчиси бўлган Рустам Абдуллаев яна жамоага қайтди. Илгари футболчилик ва мураббийлик соҳасида ҳам "Қўқон-1912"да ишлаган Рустам Раҳмонович бугун эрта тонгда Қўқонга етиб келди. Клуб раҳбарияти янги бош мураббийни дастлаб стадион ва клуб қароргоҳи билан таништирди. Шундан сўнг клуб қароргоҳидаги анжуманлар залида футболчилар ва мураббийлар ўртасида йиғилиш бўлиб ўтди. Унда Рустам Абдуллаев бош мураббий сифатида клуб аъзоларига таништирилди. Футболчилар янги мураббийни илиқ кутиб олишди ва мураббий ҳам ўз навбатида жамоа олдига қўйилган вазифани бажариш йўлида бор маҳоратини ишга солишини алоҳида таъкидлади.

Эслатиб ўтамиз, Абдуллаев бунгача Тошкентнинг "Локомотив" клубида бош мураббий Вадим Абрамовга ёрдам бериб келаётганди.