Рустам Абдуллаев: "Чиройли ўйин учун ҳаракат қилмадик, асосий мақсад ғалаба эди"
02 мая 2015 20:14
Новости

Рустам Абдуллаев: "Чиройли ўйин учун ҳаракат қилмадик, асосий мақсад ғалаба эди"

"Қўқон-1912" - "Бухоро" (2:1) учрашувидан кейин ташкил этилган матбуот анжуманининг иккинчи қисмида мезбонлар бош мураббийи қатнашди.

"Бугунги ғалабани мухлисларга бағишладик. Бу ғалаба руҳий кўтарилиш учун жуда ҳам керак эди. Раҳбарият ҳам раҳмат айтаман. Йигитларга миннатдорчилик билдираман. Хатолар бўлди, лекин ғалаба истаги кучли бўлгани учун шундай бўлди", - дейди Рустам Абдуллаев.

"Ҳаяжон туфайли бугун ўз ўрнимда ўтира олмадим. Хатто майдонга тушиб кетишни ўйладим. Мухлислар далдаси бизга катта ёрдам берди".

"Бугун чиройли ўйин учун ҳаракат қилмадик, асосий мақсад ғалаба эди. Ўйинимиз энди шаклланиб бормоқда. Бунга маълум вақт керак".

"Эътибор қилсангиз учрашувни 4 ҳимоячи билан бошладик, иккинчи бўлимда эса 3 ҳимоячи қолдириб 2 ҳужумчи тактикасига ўтдик. Сабаби ғалаба жуда зарур эди".

"Ҳалол ўйинлар кўпайгани яхши. Буни қўллаб қувватлайман, ўтган тур "Олмалиқ"қа ютқаздик, лекин йигитлар анча тажриба тўплашди. Ҳалол футбол бизга доим керак".

Ссылка :

Источник : championat.asia

Получайте новости прямо в Telegram!

Рейтинг: