Русланбек Жиянов: “Бугунги рақибларимиз иккинчи бўлимда чарчаб қолгандек туйилди”

"Бугуни ўйин аввалида жамоамиз бош мураббийи рақиб зич ҳимояланишини ва биз уларнинг ҳимоясидан қандай ўтиб кетишимиз ҳақида гапирдилар. Ўйинда ҳам кўрдинглар рақиблар зич ҳимояланишга ҳаракат қилди. Гонконг ҳам Афғонистон каби агрессив ўйин кўрсатишга ҳаракат қилди. Бироқ бугунги рақибларимиз иккинчи бўлимда чарчаб қолгандек туйилди. 

Эронга қарши баҳс ҳақида... Ўзбекистон ҳар бир учрашувда ғалаба учун ҳаракат қиламиз. Худо хоҳласа, учинчи турда ҳам ғалаба қозониб, мухлисларимизни хурсанд қиламиз. 

Россиядаги фаолияти ҳақида... Худо хоҳласа ҳаммаси яхшиликка деб ўйлайман. Барча қийинчиликларнинг ортида яхши кунлар ҳам бўлади деганидек, биз ишлашда давом этамиз. Россия футболида асосан кучга асосланган экан. У ерда жисмонан яхши ҳолатда бўлиш лозим.

Фурсатдан фойдаланиб, шу даражага чиқишим учун ҳар бир мураббийимга миннатдорчилик билдираман. Биринчи навбатда болаликдаги мураббийим Стансилав Петрович ва ёрдамчиларига раҳмат айтаман. Кейин катта футболга киришимиз учун кўмак берган Тимур Кападзега ўз миннатдорчилигимни билдираман" - дейди Жиянов.

Ниғмонхўжа Нозимов суҳбатлашди