Руслан Мельзиддинов “Нефтчи”га қайтади?!

Мавсум бошида Тошкентнинг “Локомотив” жамоасидан Толдирқўрғоннинг “Жетису” клубига йўл олган ҳимоячининг у ердаги ишларини жуда зўр кечди дейиш қийин. Чунки Мельзиддинов бир неча бор жароҳатларга дуч келди ва кўп вақтини майдон ташқарисида ўтказиб юборди.

“Нефтчи” клуби тарбияланувчиси бўлган Руслан, тасдиқланмаган хабарларга кўра, собиқ жамоасига қайтмоқда.

Унинг “Жетису”даги жамоадоши бўлмиш, Шавкат Саломов ҳам клуб билан хайрлашгани тўғрисида маълумотлар бор. Катта эхтимол билан бу икки футболчи келгуси мавсумда Амет Мемет қўли остида ўйнайди.

Таъкидлаш лозимки, Мемет бу иккала футболчи билан ҳам илгари “Бунёдкор”да ишлаган. Шунинг учун уларнинг имкониятларини жуда яхши билади. Эхтимол шунинг учун ҳам “Жетису”нинг собиқ футболчиларига айланган ҳамюртларимиз фарғоналиклар таклифини кўриб чиқишаётган бўлса керак.