Руслан Аҳмедов: "Футболда кўп нарса молиявий имкониятларга боғлиқ"
25 окт 2023 20:30
Новости

Руслан Аҳмедов: "Футболда кўп нарса молиявий имкониятларга боғлиқ"

Про лиганинг сўнгги туридан ўрин олган "Машъал" – "Хоразм" (1:0) учрашувидан сўнг меҳмонлар устози Руслан Аҳмедов ўз фикрларини билдириб ўтди.

- Ўйин давомида ҳимояга таяниб ўйнадик. Иккинчи даврада захира ўриндиғимиз етмади. 3та футболчимиз шамоллаган. Таркибимиздаги муаммолар сабаб очиқ футбол намойиш эта олмадик. Бита хато эвазига мағлуб бўлдик. Натижадан қониқмаганим аниқ, аммо йигитларга раҳмат айтаман. Улар охиригача курашишди. Шу билан мавсум ҳам якунланди. Келаси мавсумга тайёргарликни бошлаймиз ва барча жамоаларга омад тилайман.

- Жорий мавсум "Машъал"га қарши икки учрашувда ҳам мағлуб бўлдингизлар. Бунга сабаб нима?

- Биз таркиб жиҳатдан "Машъал"дан кучсизроқмиз. Инфратузилма ва моддий томонлама ҳам "Машъал" биздан устун. Биринчи даврада моддий томондан жуда қийин аҳволда эдик. Йигитлар барибир кўп меҳнат қилишди. Иккинчи даврада ўйда деярли ҳеч кимга мағлуб бўлмадик. Ўзбекистон кубоги доирасида эса Суперлига жамоасини мағлуб этдик. Футболда кўп нарса молиявий имкониятларга боғлиқ.

Ссылка :

Источник : championat.asia

Получайте новости прямо в Telegram!

Рейтинг: +3