Рўзиқул Бердиев: “Нефтчи” ғалабага лойиқ ўйин кўрсатди”

- Фарғонага таркибдаги бир қатор муаммолар билан келгандик. Бугун “Нефтчи” яхши ўйнади. Балки Фарғона жамоаси ғалабага лойиқ ўйин кўрсатгандир. Мағлуб бўлаётиб дуранг қилишга муваффақ бўлди. Бу ҳам қайсидир маънода руҳий тушкунликдан олиб чиқишга яна бир сабаб бўлиши мумкин. Бугун таркибда жиддий муаммолар борлигини айтиб ўтдим. Мана шундай ҳолатда “Нефтчи”дек жамоа уйида ўйнаш қийин кечади. Ўйин сўнггидаги вазиятни ҳисобга олсак, бугун бир очко ишладик.

- Фарғонада кечган сўнгги ўйинда “Насаф” “Нефтчи”ни мағлуб этганди. Ўша ўйин билан таққослаганда, “Насаф” бугунга келиб кучсизландими ёки “Нефтчи”да ўсиш борми?
- “Нефтчи” жамоаси янги тактик схемада ўйнаётганига гувоҳи бўлдим. Фарғоналиклар беш ҳимоячи билан ўйнашди яъни 3 та яққол марказий ҳимоячи билан ҳаракат қилишди. Умуман олганда мазкур тактика бугун рақибга қўл келди. Ўтган сафарги баҳсда омад биз тарафда бўлганди. Шунинг учун тезкор голлар ургандик. Бироқ бугун мезбонлар яхши ҳаракат қилишди.

- “Насаф”нинг ғалабасиз серияси давом этади. Бу бош мураббийга босим юклайдими?   
- Ҳа албатта! Натижага мураббий жавобгар. Вазиятни тўғри тушуниб турибман. Қаршилик мухлислар эса биздан ғалаба кутяпти. Балки айб мендадир, - деди Бердиев.

“Нефтчи” матбуот хизмати