Рўзиқул Бердиев: "Гулистон" дарвозабони яхши ўйин кўрсатди"

Рўзиқул Бердиев: "Гулистон" тартибли яхши ҳимояланди. Бундан ташқари дарвозабон ҳам анча ишончли ўйнади.Ташаббусга эга бўлсакда гол киритишимиз чўзилиб кетди. Кейинчалик 3 та тўп киритганимиздан сўнг йигитларимиз ўйинни ташлаб юборишди. Энг асосийси 3 очкони қўлга киритдик.

- Бугунги ўйинда Геворкян кўп хато қилди буни сабаби нимада, ўйиндан олдинги холати қанақа эди?
- Футболчи тўп билан қанча муомала қилса шунча кўп хато қилади. Геворкян бизни энг тажрибали ўйинчиларимиздан бири сардоримиз кейинги ўйинда янада яхшироқ ҳаракат қилади.

-Танаффусдан сўнг негадир "Насаф"да жўшқинлик йўқолгандек бўлди буни сабаби нимада?
- Фикрингизга қўшиламан жамоани жушқинлиги камайди. "Паҳтакор" билан уйинда биз ўз ўйинимиздан паст даражада ўйнадик. Пасайиш бўлди. Асосан жисмоний тайёргарликка эътибор қаратамиз. Бугунги ўйинда ҳам ҳужумни якунлашда асабийлашдик. Сабаби, "Гулистон" жамоаси асосан ҳимояланди.

- "Насаф" жамоаси Ўзбекистон Кубогини қўлга кирита оладими?
- Бизда яхши имконият бор лекин бу биз финалдамиз дегани эмас.  "Пахтакор" жамоаси ҳам сафарда ҳудди уйдагидек ўйнай оладиган жамоа. Ҳаракат қиламиз мухлислар орзуси бўлган кубокни қўлга киритишга. Шу ўринда муҳлисларимиз жамоани қўллаб қувватлаб туришса яхши бўларди. Мухлисларни далдаси уларни қўллаши футболчиларга катта куч беради.

 Улуғбек Яҳёев ёзиб олди