Рўзиқул Бердиев: "Энг муҳими, уч очкони қўлга киритдик"

- “Дерби” мақомидаги ўйинлар доим оғир кечган.  Бугунги учрашув ҳам  биз учун осон кечмади. Сабаби жамоамиз катта куч йўқотди. Шунга қарамай, энг муҳими, уч очкони қўлга киритдик. ОЧЛдаги ғалабадан кейин  футболчиларни чемпионат ўйинига руҳан тайёрлаш бироз қийин кечди. Ўйинимизда бироз пасайиш кузатилди.  Албатта, “Шўртан”нинг кучсиз жамоа эмас. Бугунги ўйин билан уларнининг ўйинига ҳақиқий баҳо бериб бўлмайди. Жамоада яхши ўйинчилар бор. Мавсум давомида улар яхши натижаларга эриша олишади.  Бугун“Шўртан”да ҳимояда муаммолар борлиги билиниб қолди. Ҳужум чизиғида Зафар Полвонов ҳам ўйнамади. Биз кўплаб вазиятлар ярата олдик, аммо гол кам бўлди.
 
- Больевич? Биринчи ўйин жуда муҳим ўйин. Унда ўйин амалиёти камлиги учун майдонга туширмадик. Кейинги уйинлардан унга имконият берамиз. Бобир Абдиҳолиқов? У бундан олдинги иккита қийин учрашувда асосий таркибда ҳаракат қилди.  У ёш футболчи. Шу боис уни бугун захирада ушладик. Тактик жиҳатдан шундай қарорга келгандик.  Илдар Маматказин? У биринчи ўйинда ёмон ўйнамади. Биз унга ишонамиз, - дейди Рўзиқул Бердиев. 

"Насаф" матбуот хизматидан сайтимиз учун махсус