Ротен: "Рамос ПСЖ етакчисига айланади"

Франция термаси собиқ аъзоси Жером Ротен ПСЖ ҳимоячиси Серхио Рамоснинг имкониятларини баҳолади.

"Рамос жамоанинг ҳақиқий етакчисига айланади ва у ПСЖ сардори бўлиши лозим. У ҳамма нарсани ютгани барчамизга маълум. У жамоани ўз ортидан эргаштира олади. Масалан, Варан у орқали ўсишга эришган. Ишонаманки, Рамоснинг борлиги Кимпембеда ўзига бўлган ишончни оширади", – деди Ротен.

35 ёшли марказий ҳимоячи ҳали парижликлар учун бирорта ўйинда қатнашмади, аммо умумий гуруҳ машғулотларига қайтган.