Россия. Бугун Виталий Денисов жамоаси ўйнайди
24 сен 2018 11:59
Новости

Россия. Бугун Виталий Денисов жамоаси ўйнайди

Бугун Россия премьер-лигасида 8-турнинг энг сўнгги ўйини ўтказилади.

Самара шаҳрида "Крилья Советов" "Краснодар" клубини қабул қилади. Қуйида мазкур ўйин превьюсини ўқиш мумкин.

КРИЛЬЯ СОВЕТОВ - КРАСНОДАР
24 сентябрь. Самара. "Самара Арена" стадиони. 20:30 (Тошкент вақти).
Бош ҳакам - Алексей Матюнин (Москва).
Трансляция - "МАТЧ Премьер".

"Крилья Советов" 7та турда 7 очко олди ва мусобақа жадвалининг 12-поғонасида бормоқда. Андрей Тихонов бошчилигидаги жамоа мавсум бошидан буён атига 2та гол урди.

Ўтган турда самараликлар "Арсенал" меҳмони бўлиб 0:4 ҳисобида ютқазиб қўйишганди. "Крилья Советов" ўз уйида, мухлислари қаршисида "Краснодар"ни мағлуб этишга уринади.

Жозе Надсон ва Олег Ланин жароҳатидан қутулиб, умумий гуруҳга қайтишди. Мазкур баҳсда ўзбекистонлик Виталий Денисов доимгидек асосий таркибда майдонга тушиши кутилмоқда.

"Краснодар" ўтган турда "Анжи"ни 4:0 ҳисобида тор-мор этди. Вандерсон, Виктор Классон, Павел Мамаев ва Иван Игнатьев гол уришганди. Пайшанба куни жамоа Европа лигаси доирасида Мурад Мусаев шогирдлари Туркияда "Акхисар"ни мағлуб этиб қайтишди (1:0). Виктор Классон кетма-кет иккинчи ўйинда гол урди. Шу тариқа, "Краснодар" ўзининг ғалабали сериясини давом эттиришга уринади.

Ўзаро ўйинлардаги статистика:
"Крилья Советов" ғалабси - 4
Дуранг - 6
"Краснодар" - 2
Тўплар нисбати - 14:14

Сўнгги бор ушбу клублар 2016 йилда тўқнаш келишган. Ўшанда премьер-лига иккала баҳс ҳам 1:1 ҳисоби билан тугаганди.

Тахминий таркиблар:
"Крилья Советов" - 5-4-1: Конюхов, Чичерин, Самарджич, Бурлак, Полуяхтов, Виталий Денисов, Антон, Башкиров, Канунников, Молло, Соболев.
"Краснодар" - 4-3-3: Синицин, Петров, Мартынович, Спаич, Рамирес, Газинский, Каборе, Мамаев, Вандерсон, Классон, Ари.