Роналдунинг хайрлашув мактуби

«Реал Мадрид» ва Мадрид шаҳридаги ўтказган йилларим, балки, ҳаётимдаги энг бахтли дамлари эди.

Клуб, мухлислар ва шаҳардан жуда миннатдорман. Муҳаббатингиз ва менга бўлган эътиборингиз учун раҳмат айтмоқчиман.

Аммо ҳаётимдаги янги босқични бошлаш фурсати етди деб ўйлайман. Шу боис клубдан мени қўйиб юборишни сўрадим. Бу менинг истагим ва шу боис барчадан, айниқса мухлислардан мени тушунишларини сўраб қоламан.

Биргалкда ажойиб 9 йилни ўтказдик. Бу ғаройиб 9 йил эди. Бу босқич қийинлигига қарамай қизиқарли ва шиддатли бўлди, сабаби «Реал»даги талаблар ва мажбурият жуда улкан. Аммо ушбу ғаройиб тарзда футболдан завқ олганимни ҳеч қачон унутмайман.

Майдонда ва кийим алмаштириш хонасида ажойиб шерикларим бор эди. Қойилмақом мухлисларимизнинг мададини доим ҳис қилганман, биргаликда беш йилда 4 марта ва уч бор кетма-кет ЕЧЛда ғолиб бўлдик. Улар билан бирга тўртта «Олтин тўп» ва учта «Олтин бутса»га эга бўлдим.

«Реал» – катта ва ўзгача клуб. У менинг ва бутун оиламнинг юрагини забт этди. Ҳозир олдингидан ҳам кўра кўпроқ барчага миннатдорчилик билдирмоқчиман: бутун клубни, президентни, раҳбарларни, шерикларимни, барча мурабийларни, шифокорларни, физиотерапевтларни ва майда деталларга эътибор қилиб клуб фаолиятида катта ўрин тутадиган барча ажойиб ходимларга раҳмат.

Кўп ўйладим ва янги давр учун вақт келганини тушундим. Кетаяпман, аммо қаерда бўлсам ҳам бу футболка, бу эмблема ва «Сантьяго Бернабеу» мен учун қадрли бўлиб қолади.

Барчага раҳмат. Албатта 9 йил олдин ушбу стадионда илк бор айтганимдек, такрорлайман:

¡Hala Madrid!