Роналдунинг мақтовига сазовор бўлган, уруш туфайли жамоасини ўзгартирган ва "Пахтакор"ни ОЧЛнинг кейинги босқичига олиб чиққан Брайан Риаскос билан яқиндан танишамиз

Брайан Риаскос 1994 йил Колумбияда таваллуд топган. Футболчилик фаолиятини Бразилиянинг "Кориантианс" ёшлар академиясида бошлаган. Брайаннинг ушбу мамлакатга йўл олишида Фредди Ринкон ("Наполи" ва "Реал Мадрид" собиқ футболчиси)нинг ҳиссаси катта бўлган. "Коринтианс"да эса Риаскос "Ал Ҳилол" ҳужумчиси Малком билан дўст бўлган.

Футболга кириб келишим осон бўлмаган. 8 ёшимдан тўп тепа бошлаганман. 12 ёшда уйдан чиқиб кетиб Гватемалага бордим, кейин ортга қайтдим. Оиламда ҳамма, ҳатто онам ҳам футболни ёқтиради. Отам-онам мен учун ўзларини қурбон қилишарди, яъни одатдагидан-да кўпроқ ишлашига тўғри келди. 13 ёшимда уларни қўшимча юк бўлмаслик учун пул топиш йўлини қидира бошладим.

Бразилияга боргач, секин-аста португал тилида гапиришни ўргандим. Бу тилда биринчи ўрганган сўзларим сўкиниш бўлса керак. Энди келган пайтларим болалар нотаниш тилда менга нисбатан шундай мазмундаги сўзлар айтишарди, бунинг маъносини унчалик тушунмасдим. Ҳозир эса бошқалар билан бемалол ҳазиллаша оламан.

Фредди Ринкон кумирим эди, аммо кейинчалик ўзгаришлар бўлди. Бугунги кунда кўпчилик мени Балотеллига ўхшатади.

Олдинда уни ижарама-ижара юриш қисмати кутиб турарди. Кўзга ташлана бошлаган пайти эса 2017 йилдан бошланади. "Оливейренсе" сафида у 35 ўйинда 11 та тўп киритди. Сўнгра уч йил "Насьонал" либосида ҳаракат қилди. 

2020 йилнинг апрелида Риаскоснинг ҳаётида унутилмас воқеа содир бўлган: у футбол афсонаси Криштиану Роналду билан учрашган.

Гап шундаки, COVID-19 пандемияси туфайли футбол учрашувлари тўхтаб қолганди. Ўша пайтда "Ювентус" шарафини ҳимоя қилаётган Роналду ватанига қайтиб, Мадейра оролида ҳашаматли виллани ижара олган ва маҳаллий "Насьонал" клуби стадионида индивидуал машғулотлар ўтказа бошлаган. Бироқ у билан барча ҳам юзма-юз кела олмасди. Шундай бахтга мушарраф бўлганлардан бири Брайан Риаскос эди. Ўшанда Риаскос "Насьонал" тўпурари сифатида танилганди.

Бир куни тонгда клуб спорт директори Риаскосга қўнғироқ қилиб, уни чақириб олади. Брайан стадион томон шошилади ва қаршисида Роналдунинг тиригини кўради. Улар ўзаро суҳбатлашишган ва суратга тушишган.

Роналду барча замонларнинг энг яхши футболчиси. У мени "Сен машинасан" дея эътироф этди. Бундай мақтовни унутиб бўларканми?!

ВИДЕО

2021 йилдан бошлаб Украинанинг "Металлист" клуби аъзосига айланган ҳужумчи қисқа муддат ўнг қанот ҳимоячиси ҳам сифатида ҳаракат қилди.

2022 йил 7 март куни ФИФА Россиянинг Украинага бостириб кириши муносабати билан хорижлик футболчиларнинг Украинадаги барча шартномалари 30 июнига қадар тўхтатилганини ва шу кунгача Украинадан ташқаридаги клублар билан шартнома имзолашига рухсат берилганини эълон қилди. 28 март куни Риаскос ушбу шартдан фойдаланиб, Швейцариянинг "Грасшопперс" билан мавсум охиригача шартнома имзолади. 

Биз Туркияда ўқув-машғулот йиғинида эдик. 24 февраль куни ярим тунда эшиклар тақиллай бошлади, чамаси соат 3 лар атрофида эди. Украиналиклар "Уруш", дея бақиришарди. Улар умидсиз қиёфада эди. Украинада содир бўлаётган воқеалар жуда ачинарли.

Шунингдек, у бир муддат Саудия Арабистонининг "Ал Халиж", Португалиянинг "Маритиму", Туркиянинг "Газиантеп" клубларида тўп тепди. 2024 йил эса Хитойнинг "Циндао" жамоаси шарафини ҳимоя қилди.

"Маритиму" сафида у "Эстрела Амадора" мураббийи Сержиу Виейра билан тортишиб қолгани ижтимоий тармоқда шов-шув бўлган.

ВИДЕО

Риаскос 2025 йилнинг январида Тошкентнинг "Пахтакор" клуби билан бир йиллик шартномага имзо чекди. 

Ўзбекистоннинг энг кучли жамоасида тўп тепишимдан хурсандман. Туғилган йилимга монанд 94-рақамни танлайман ва "Пахтакор" мухлисларини ўз голларим билан хурсанд қиламан.

17 февраль куни эса у Осиё Элит Чемпионлар Лигасининг сўнгги туридан ўрин олган "Ал Садд"га қарши ўйинда дублга эришиб, жамоасини плей-офф босқичига йўл олишида улкан ҳисса қўшди.

Келажакда Испания ёки Англияда тўп тепиш имкониятига эга бўлишни хоҳлайман. Испанияда футбол анча эркин, Премьер-лига дунёнинг энг яхши чемпионатларидан бири ҳисобланади. Бироқ ўйин услубим туфайли ўзимни Англияда қулайроқ ҳис қилсам керак.

Отаси футболчи бўлишини хоҳламаган, "Манчестер Сити"га қарши ўйиндан сўнг тақдири ўзгарган ва яйловдан Чемпионлар лигасига йўл олган "Андижон"нинг янги легионери билан яқиндан танишамиз

Дарвозадан дарвозага гол урган, Милитао ва Бруну билан бир сафда турган ҳамда интервьюси туфайли хижолатда қолган "Пахтакор"нинг янги посбони билан яқиндан танишамиз

Суперлигадаги дебютида "Насаф"ни жазолаган, ҳокимдан машина олган ҳамда Тошкентда ота-онаси кўз ўнгида гол урган Рубин Хебай ҳақида қизиқарли маълумотлар

"Бунёдкор" собиқ мураббийи қўл остида тўп тепган, Алиссон Бекерга яқин қариндош бўлган ҳамда сигир соғишни қойиллатадиган "Пахтакор"нинг янги легионери билан яқиндан танишамиз

"Мен Месси ёки супермэн эмасман" — ёши кичрайтирилгани гумон қилинган, 16 ёшида термада дебют қилган, Катанец қўл остида Ўзбекистонни мағлуб этган ва Аргентинага қарши ўйинда онасидан айрилган "Пахтакор"нинг янги легионери билан яқиндан танишамиз

Дебютида четлатилган, АПЛ клублари назарига тушган, ҳакамга мушт туширгани учун ярим йил футболсиз қолган ҳамда маошини болаларга ҳадя қилган Суперлиганинг энг яхши хорижлик ўйинчиси билан яқиндан танишамиз

Оқил Абдубарноев тайёрлади.