Роналду ва андорралик футболчи Евро рекордини такрорлашди
27 мар 2023 11:45
Новости

Роналду ва андорралик футболчи Евро рекордини такрорлашди

Евро-2024 саралашида Португалия ТЖ дастлабки икки турда Лихтенштейн (4:0) ва Люксембургни (6:0) таслим этишга эришди.

Криштиану Роналду мазкур баҳсларнинг иккисида ҳам дублга эришди. Шунингдек, Андорра – Руминия (0:2) учрашувида 40 ёшли ярим ҳимоячи Марк Пужол захирадан ўйинга қўшилди.

Шу тариқа, Роналду ва Пужол 6 та Евро (саралаш ва финал раунди)да майдонга тушган футболчилар қаторига қўшилишди. Аввалроқ, бундай рекордни Ильдефонс Лима (Андорра), Марио Фрик (Лихтенштейн), Яри Литманен (Финляндия) ва Лотар Маттеус (Германия) қайд этганди.