Роналду: "Ўзимга бўлган ишончни қайтариш учун ҳам жаримадан гол уришим керак эди"

Бу унинг "Юве" либосида голга айлантирган илк жарима тўпи эди. Ўйиндан кейин португалиялик футболчи ўз фикрлари билан ўртоқлашди.

"Мен ўзимга бўлган ишонч ҳиссининг бир қисмини қайтариш учун жаримада унумли фойдаланишим керак эди. Қийин ўйин бўлишини билардик, яхши тайёрландик, ғалаба қозондик ва "Лацио"га босимни оширдик. 

Голларни ким уриши муҳим эмас, муҳими ғалаба ҳисобланади. Биз яхши формадамиз ва "Милан"ни ҳам ютишга ҳаракат қиламиз. Кейинги ўйин ҳам қийин бўлади", – деди Роналду Sky Sport Italia нашрига.