Роналду мавсумолди йиғинларда қатнашмаганига фарзандини сабаб қилиб кўрсатди, у клубдан кетишга тайёр

Бунга сабаб сифатида у, июль ойида 3 ойлик чақалоғи касалхонага тушиб қолганини айтди. Шунингдек, у МЮ раҳбарияти ушбу сабабга баҳона сифатида қараганидан ҳафа бўлганини ҳам таъкидлади. 

Шунингдек, у исталган пайт клубдан кетишга тайёр эканлигини айтди. 

"Пикассо айтганидек, ниманидир тиклаш учун, ниманидир бузиш керак. Агар МЮ буни мендан бошлайдиган бўлса, муаммо йўқ. 

Мен клубни ва мухлисларни яхши кўраман. Улар доимо мен томон бўлишган. Аммо клубда ниманидир ўзгартирмоқчи бўлишса... Улар кўп иш қилишлари лозим, жуда кўп", - деди Роналду.