Роналду Либертадорес кубоги финалига ташриф буюрмайди. Месси эса…

“Ривер Плэйт” ва “Бока Хуниорс” жамоалари ўртасидаги баҳс 24 ноябрь куни Буэнос Айресда бўлиб ўтиши лозим эди. Аммо “Ривер” мухлислари стадионга келаётган “Бока” автобусига турли хил жисмларни улоқтириб, унинг ойнасини синдиршган эди. Автобусда бўлган футболчиларнинг айримларига кичик жароҳат ҳам етганди.

Шу сабабли учрашув 9 декабрь куни Испания пойтахтида ўтказилиши режалаштирилган. As нашрининг тасдиқлашича, Роналду ўйинга бориш борасидаги таклифга "йўқ” деб жавоб берган.

Унга ҳозирча “Сантяго Бернабеу”га бориш мумкин эмас” дея хабар берди футболчига яқин бўлган манба.

“Реал”нинг уй стадиони ҳисобланадиган “Сантьяго Бернабеу”да Роналду 2009 йилдан 2018 йилга қадар тўп тепган.

“Барселона” ҳужумчиси Лионель Месси ҳам мазкур учрашувга таклиф этилган ва у ўйинни стадиондан кузатиб боради.