Роналду кетса ҳам "Реал"нинг умумий нархи ошди

Криштиану Роналду жамоани тарк этиши катта шов-шувларга сабаб бўлган бўлсада, "Мадрид" таркиби умумий нархи янада ошди.

Криштиану Роналдунинг кутилмаган трансфери ҳам, Transfermarkt португалиялик футболчи трансфер нархини 100 миллион евро деб баҳолайди, "Қироллик клуби" таркиби умумий нархига салбий таъсир қилмади. Немис веб-сайтининг 30 июнь кунги маълумотларига кўра, "Реал Мадрид" нархи энди аввал бўлганидек 952,5 миллион евро эмас, 957,3 миллион деб баҳоланмоқда. Шундай қилиб, португалиялик кетса ҳам "Мадрид" таркиби нархи 4,8 миллион еврога ошди.

Бунга аввалги мавсум сўнги ва июнь-июль ойларида бўлиб ўтган Жаҳон Чемпионатида "қаймоқранглилар" иштироки сабаб бўлди. Биринчи навбатда, гап Рафаэль Варан, Начо ва Гарет Бэйл ҳақида кетмоқда.

Франция таркибида жаҳон чемпиони бўлган ҳимоячи Вараннинг нархи Transfermarkt маълумотига кўра, 70 миллиондан 80 миллионгача ошди. Начо аввалроқ 30 миллионга баҳоланган бўлса, эндиликда ушбу трансфер нархи 35 миллион қилиб белгиланган. Жаҳон Чемпионатида иштирок этмаган бўлса ҳам Гарет Бэйл Чемпионлар Лигаси ўтган мавсумида ажойиб ҳаракатлари туфайли вингер нархи 80 миллиондан 90 миллионгача кўтарилган.

Шунингдек, шу ёз жамоага келиб қўшилганлардан Альваро Одриосола "Реал Сосьедад"далиги вақти 25 миллион евро бўлган бўлса, энди бу кўрсаткич 30 миллионни ташкил қилмоқда, Андрей Лунин аввалроқ 3,5 миллион еврога баҳоланган бўлса, "қаймоқранглилар" сафига ўтгач ва АҚШдаги турнирда ўзини ижобий томондан кўрсатгач, трансфер нархи 8,5 миллионгача ошди. Ёш футболчи Рауль де Томас эса "Райо Вальекано"даги ажойиб мавсумдан сўнг, ҳужумчи нархи 3 миллиондан 6 миллион еврогача ошди.