Роналду: "Ҳозирги ёшлар танқидни қабул қила олишмайди"

"Етук футболчилар, ёши каттароқ футболчилар ҳар доим ёш футболчиларга ёрдам бера олади. Тўғри, бунинг ўнғайсиз жиҳатлари ҳам бор. Масалан, Мен маслаҳат бераман, лекин сиз амалда қўлламасангиз, бир пул.

Сиз кун бўйи ким биландир гаплашишингиз мумкин. Агар унда жўяли фикр бўлмаса, бирор ўзгариш бўлиши қийин. Ёдимда, 18, 19, 20 ёшимда мен билан ёши каттароқ футболчилар суҳбатлашишарди.

Мен ўзимга шундай дердим: "Криштиану, ўз устингда ишлашинг кераклигини биласан. Улар сендан кўра кўпроқ нарсани билади, сендан кўра тажрибалироқ". Улар кўп нарсаларни бошдан кечирган.

Бироқ ҳозирги ёшлар танқидни қабул қила олишмайди. Буни футболчиларимизга нисбатан эмас, умуман олганда, барчага нисбатан айтяпман. Чунки менинг ҳам болаларим бор, нима ҳақида гапираётганимни яхши биламан. Баъзида бироз қаттиқроқ муносабатда бўлсангиз, улар бунинг аксини қиладилар. Суҳбат давомида мувозанатни тўғри ушлашингиз керак.

Менинг фикримча, асосийси, ҳамма нарса чин юракдан гапирилиши лозим. Сиз ўзингиз билан фахрланишингиз керак, ойнага қаранг ва айтинг: "Қулоқ сол, мен боримни бердим". Буни ҳаммамиз бажаришимиз шарт деб ўйлайман.

Янги йилда янги саҳифани варақлаяпмиз. Бизда ғалаба қозониш учун кўп нарса бор. Бунга ишонишимиз керак, аксинча бўлса, даҳшатли тушга айланади.

Шахсият — бу асосий нарса. Биз ёрдам бериш учун шу ердамиз. Агар кимдир менинг ёрдамим, қўллаб-қувватлашим, маслаҳатимга муҳтож бўлса, мен энг биринчи бўлиб ёрдам қўлини чўзаман. Аммо ёрдамим керак бўлмаса, ўз ишинг билан шуғулла, ўзлигингни англа ва жамоага қўлдан келганча ёрдам бер дейман, — деди Роналду.