Роналдо Эндрикнинг "Реал"даги истиқболига баҳо берди
22 июл 2024 16:36
Новости

Роналдо Эндрикнинг "Реал"даги истиқболига баҳо берди

Бразилия терма жамоаси ва "Реал" собиқ футболчиси Роналдо Мадрид клубига янги келган ҳамюрти Эндрик ҳақида фикрини айтди.

18 ёшли футболчи шу ёзда "Палмейрас"дан келиб қўшилганди.

"Эндрик – юқори савияли футболчи. У голни ҳис қилиш қобилиятига эга, тўпни рақиблардан яхши ёпади ва яккама-якка ўйинда кучли. Ўйлашимча, у нафақат ҳужумчи учун зарур бўлган фазилатларга, балки "10-рақамли" бўлиб ўйнаш маҳоратига ҳам эга", – деди Роналдо.

Эндрикнинг тақдимоти 27 июль куни "Сантьяго Бернабеу" стадионида бўлиб ўтади, шундан сўнг футболчи "Реал" билан АҚШ бўйлаб турнега йўл олади.

18 ёшли футболчининг Мадрид клуби билан битими 2030 йилнинг ёзига қадар мўлжалланган. Transfermarkt бразилиялик футболчини 55 млн еврога баҳоламоқда.

Ссылка :

Источник : Madrid Zone

Получайте новости прямо в Telegram!

Рейтинг: +5