Ромео Йозак: "Менимча, Ўзбекистон гуруҳда асосий рақибимиз бўлади"

Ўзбекистон ўсмирлари Хорватия, Панама ва Марокаш ўсмирлари билан бир гуруҳдан ўрин олишди. Қуръа маросимидан сўнг ушбу гуруҳ вакиллари ўз фикрларини билдиришди.

Ромео Йозак (Хорватия терма жамоаси техник директори): - Умуман олганда, қуръадан кўнглим тўлди. Ўйлашимча, Ўзбекистон терма жамоаси гуруҳда бизга энг асосий рақиб бўлади.

Абдуллоҳ Ал Идрисси (Марокаш терма жамоаси бош мураббийи): - Гуруҳда жуда кучли жамоа йўқ ва бу ерда барча масала очиқ қолади. Бу ерда осон рақиб бўлмайди. Жаҳон чемпионатида яхши натижани қўлга киритиш учун яхши тайёргарлик кўришимиз керак. Шунда кейинги босқичга йўл олишимиз мумкин.

Дилшод Нуралиев (Ўзбекистон терма жамоаси бош мураббийи): - Гуруҳимизда фаворит жамоалар мавжуд эмас. Ҳар бир ўйин қийин ўтади ва шунга яраша тайёргарликка эга бўлмоғимиз даркор.


Беҳзод Назаров тайёрлади