“Рома“ ҳужумчисига Туркия грандлари қизиқиш билдирмоқда

Трансфер ҳуқуқи “Рома“га тегишли бўлган ҳужумчига “Фенербахче“ ва “Бешиктош“ жиддий қизиқиш билдирмоқда. Ўз ўрнида римликлар 27 ёшли ҳужумчини яхши суммага сотиб юборишга тайёрлигини маълум қилган.

Тэмми Абрахам жорий мавсум “Милан“ сафида 45 та учрашувда майдонга тушди. Унинг ҳисобида 10 гол ва 7 та голли узатма бор. Футболчининг “Рома“ билан тузган шартномаси 2027 йилнинг ёзида якунланади. Трансфермаркт нашри инглиз футболчисини 15 миллион еврога баҳолаган.