"Рома" футболчилари Моуриньони туғилган куни билан табриклади

Футболчилар биргаликда португалиялик мураббийнинг туғилган кунига торт олиб келишди, Моуриньо ундаги шамни пуфлади, биринчи бўлакни сардор Лоренцо Пеллегринога узатди ва "Ишга киришиш фурсати етди", деди.

Римликларнинг янги футболчиси Сержи Оливейра устозини ўзига хос тарзда табриклади. Футболчи ўзининг Инстаграм саҳифасига болаликда онаси билан бирга ҳали нисбатан ёш Моуриньодан интервью олаётган пайтдаги суратини жойлаштирди.

Эслатиб ўтамиз, бугун Жозе Моуриньо 59 ёшга тўлди. Фаолияти давомида у "Бенфика", "Порту", "Челси", "Манчестер Юнайтед", "Реал" ва "Тоттенхэм" каби клубларни бошқаришга муваффақ бўлган.