"Рома" 1 футболчи сотиб олиб, икки нафарини сотиб юборди
01 сен 2022 00:12
Новости

"Рома" 1 футболчи сотиб олиб, икки нафарини сотиб юборди

"Рома" матбуот хизмати "Олимпиакос" ярим ҳимоячиси Мади Камаранинг сотиб олиш ҳуқуқи билан бир йилга ижарага олинганини маълум қилди.

Журналист Жанлука Ди Марционинг хабарига кўра, А Серия клуби футболчининг ижараси учун 1,5 млн евро, трансфери учун эса 11,5 млн евро тўлайди. Гвинеялик футболчи янги клубида йилига 1,2 миллион евро, сотиб олинганидан кейин эса 1,7 млн евро маош олади.

Шунингдек, "Рома" футболчиси Амаду Диавара "Андерлехт"га ўтди. Унинг трансферидан клуб 3 млн евро ишлаб олди, шунингдек, унинг кейинги сотувидан 50 фоиз маблағни қўлга киритиш ҳуқуқини сақлаб қолди.

Ундан ташқари, "Рома" ҳимоячиси Риккардо Калафьори "Базель"га трансфер қилинди. "Рома"нинг 20 ёшли тарбияланувчиси учун Швейцария клуби 1,5 миллион евро тўлайди, шунингдек, унинг кейинги сотувидан 40 фоиз маблағни ўтказиб беради.

Ссылка :

Источник : Goal

Получайте новости прямо в Telegram!

Рейтинг: -3