Рибери тез орада футболчилик фаолиятини якунлашини эълон қилади

Манбага кўра, Франк Рибери “Салернитана” билан шартномасини муддатидан олдин бекор қилади. Француз 2021 йил кузида мазкур жамоа аъзосига айланиб, мавсум охирига қадар битим имзолаганди.

38 ёшли футболчи жорий мавсум А Серияда 12 ўйинда қатнашиб, 2 голга ҳаммуаллиф бўлди. У тез орада футболчилик фаолиятини якунлаши ҳақида эълон қилиши кутилмоқда.

Ҳужумкор ярим ҳимоячи “Булонь”, “Олимпик Алес”, “Брест”, “Мец”, “Галатасарой”, “Марсель”, “Бавария” ва “Фиорентина” каби жамоалар шарафини ҳимоя қилган.