Рэшфорд Осиё томон йўл олишни истамади, унинг мақсади бошқа

27 ёшли форвард жамоасининг сўнгги 5 ўйинида майдонга тушмади. У МЮнинг сўнгги - "Ньюкасл"га қарши баҳсида захирада қолдирилди. Бунгача тўрт учрашувда эса қайдномага ҳам киритилмади.

"The Times" маълумотига кўра, англиялик футболчи Саудия Арабистонидан бўлган 3 таклифга рад жавобини берган. Бунда у МЮдаги маошидан икки баравар кўпроқ маблағни рад қилган - йилига 35 млн евро. Шунингдек, у маошидан тўланадиган солиқларни ҳам тўламасди. Буюк Британияда айни дамда футболчилар ишлаб топаётган пулларининг 45 фоизини давлатга қайтариши керак.

Рэшфорднинг рад жавобини бергани сабаби оддий - у Англия термасига қайтишни истайди. Маркус яна юқори даражасига қайта олишига ишонмоқда. Айнан шу сабабли ҳам у Туркиядан тушган "ёғли" таклифни эшитиб ҳам ўтирмаган.

Манкунианликлар Рэшини қишдаёқ сотиб юбормоқчи ёки ижарага бермоқчи. Бунинг учун унинг янги клуби маошини тўлашини ҳам бўйнига олиши керак. Футболчининг ўзи эса МЮда қолиб бор кучини намойиш қилмоқчи.