“Реал” ёзда трансферларни амалга ошира олмаслиги мумкин

Нашр маълумотларига кўра, коронавирус пандемияси юзага келган инқироз “Реал”га жиддий таъсир кўрсатиши мумкин экан. Молиявий қийинчиликлар туфайли қироллик клуби ёзги трансфер ойнасида бирорта ҳам футболчини ўз сафига қўшиб ололмаслиги мумкин.

Трансферлар фақат бир ҳолатда – жамоа ўз футболчиларини катта қисмини трансферга қўйиб, улардан келадиган даромад орқали ўз сафини янги футболчилар билан бойитиши мумкин экан.

Ла Лига 27-туридан кейин “Реал” 56 очко тўплаб турнир жадвалининг иккинчи поғонасида бормоқда. Улар пешқадам “Барселона”дан икки очкога ортда қолишмоқда. Айни пайтда коронавирус пандемияси туфайли Испания чемпионати баҳсларига танаффус эълон қилинган.