"Реал" президенти: "Роналдуни вазнича келадиган олтинга ҳам сотмайман"
08 авг 2017 00:35
Новости

"Реал" президенти: "Роналдуни вазнича келадиган олтинга ҳам сотмайман"

Мадриднинг “Реал” клуби президенти Флорентино Перес жамоа ҳужумчиси Криштиану Роналдуни сотиш истагида эмаслигини маълум қилди.

Ҳозирда португалиялик футболчининг Мадрид клубидан кетиши ҳақидаги хабарлар оқими кўпайиб боряпти. Перес ўз баёноти билан бу хабарларга муносиб жавоб қайтради.

“Криштиану Роналдуни сотиш? Ҳеч қачон. Менга Роналдунинг вазничалик келадиган олтин таклиф қилишса ҳам, уни сотмайман. Фақат буюк футболчиларгина бир жамоага садоқатди бўлишади”, – деди Перес Gazzetta dello Sport нашрига берган интервьюсида.