КЖЧ. 7-дақиқадаёқ бир киши кам бўлиб қолган "Реал" "Пачука"га 3 та гол урди

Ўйин "қаймоқранглилар" фойдасига 3:1 ҳисоби билан якунланди. Учрашув АҚШнинг Шарлотта шаҳридаги "Bank of America" стадионида бўлиб ўтди. Учрашувни Рамон Абатти (Бразилия) бошчилигидаги ҳакамлар бригадаси бошқариб борди.

"Реал" таркибида Рауль Асенсио 7-дақиқада қизил карточка олди. Учрашувнинг 35-дақиқасида Жуд Беллингем испанларни олдинга олиб чиқди. 43-дақиқада Арда Гюлер "қироллик клуби"нинг иккинчи голини урди. 70-дақиқада Федерико Вальверде ҳисобни йирик кўринишга олиб келди. Учрашувнинг 80-дақиқасида Элиас Монтел мексикаликлар учун ҳисобни қисқартирди.

Бу ўйиндан кейин "Реал" тўрт очко билан "H" гуруҳида пешқадамлик қилмоқда, "Пачука"да очко йўқ ва жамоа сўнгги ўринда бормоқда.

1-турда "Реал" Саудия Арабистонининг "Ал Ҳилол" клуби билан дуранг ўйнади (1:1), "Пачука" эса "Ред Булл Залцбург" жамоасига мағлуб бўлди (1:2).