"Реал Мадрид" Ла Лига клублари ичида ягона — жавоб ўйинларидан кейин ҳам вазият ўзгармади
18 мар 2021 10:15
Новости

"Реал Мадрид" Ла Лига клублари ичида ягона — жавоб ўйинларидан кейин ҳам вазият ўзгармади

Теги : "Реал Мадрид"Ла Лига "Барселона"ЕЧЛ "Атлетико Мадрид""Севилья"

Тунда ЕЧЛ 1/8 финали доирасида Мадриднинг "Атлетико" клуби сафарда "Челси"га (0:2) мағлуб бўлди.

Айнан "матрасчилар" Ла Лига вакилларидан охирги бўлиб мусобақа 1/8 финал босқичини якунлади. Муросасиз кечган баҳсда Симеоне жамоаси лондонликлар қаршилигини енга олмади ва мусобақани тарк этди. Аввалги ўйин кунларида Испания шарафини ҳимоя қилаётган "Барселона" ҳамда "Севилья" мос равишда ПСЖ ва "Боруссия Дортмунд"га мағлуб бўлишганди.

Ҳар икки учрашувда ўта ҳужумкор ўйин кўрсатишига мухлисларни ўргатиб қўйган "Аталанта"ни "жиловлай" олган Зинедин Зидан шогирдлари эса ЕЧЛ 1/4 финалига чиққан Испаниянинг ягона жамоаси сифатида қайд этилди.

Бу борада энг яхши кўрсаткич инглизларда. АПЛнинг бир йўла 3 вакили ҳали курашни давом эттирмоқда. Бундеслигадан икки клуб: "Бавария" ва "Боруссия", Франциядан ПСЖ ва Португалиянинг "Порту" жамоалари бош соврин ҳақида орзу қилишда давом этишади. Қайд этиш лозим, Европа Чемпионлар Лигаси қуръаси эртага, 19 март куни бўлиб ўтади.