"Реал" келаси ёзда катта трансферларни амалга оширмоқчи

Мадридликлар яна эркин агентлар бозорига чиқишади ва бир неча ажойиб футболчилар билан шартнома имзолашни режалаштиришмоқда.

Бундай усулнинг самарасини Давид Алабанинг трансферида кўриш мумкин. "Қироллик клуби" ўрта чизиқни янгиламоқчи. "Реал"нинг нишонида Леон Горецка ("Бавария"), Поль Погба ("Манчестер Юнайтед") ва Эдуардо Камавинга ("Ренн") бор.

"Қаймоқранглилар" шунингдек "Челси"дан ҳимоячи Антонио Рюдигер ва ПСЖдан ҳужумчи Килиан Мбаппени ўз сафига қўшиб олмоқчи. Барча 5 футболчининг шартномаси келаси ёзда якунига етади.