"Реал" ҳимоячиси ЕЧЛ стартини ўтказиб юборади

"Реал" ҳимоячиси Дани Карвахаль "Унион"га қарши Чемпионлар Лигаси 1-тур учрашувини ўтказиб юборади. Бу ҳақда журналист Хосе Луис Санчес хабар бермоқда.

Футболчининг жароҳати қанчалик жиддий эканлиги ҳозирча номалум. Аммо, манбага кўра, у жамоанинг Чемпионлар Лигасидаги стартини ва "Атлетико"га қарши дербида қатнашмайди.

31 ёшли ҳимоячи жорий мавсум Ла Лигада 5 та ўйинда майдонга тушиб, 1 та голли пас узатди.

"Реал" – "Унион" учрашуви эртага, 20 сентябрь куни 21:00 да бошланади.